電影《十年》令唔少港人睇完都好感觸，擔心香港十年後都會變到戲中講嘅情況，而經民聯立法會議員梁美芬前晚亦都有睇《十年》，佢話覺得心情沉重，但就話套戲比想像中政治化，當中佢特別唔同意戲中美化自焚行動，又借機宣揚港獨思想，形容係太極端同危險，認為呢啲行為對年輕人追求理想無幫助。
梁美芬噚晚在facebook說：「人生有幾多個十年？今晚就抽空去睇《十年》」。有參與戲中單元《自焚者》演出的游學修更留言說：「欣賞你，芬芬。喜歡我戲中的反叛憤世形象嗎？等睇你的觀後感。」
梁美芬今日同Emily講，話套戲亦有提到將會有「小紅兵」，但佢就覺得用文革去講未來係好out，連內地拍戲講社會問題，都會用城管等，覺得無乜真實感。至於講國安法嘅故事，梁美芬就話覺得好誇張，話用到暗殺人去設局立國安法，會令人覺得大家屈中央，無乜說服力。
至於講廣東話日漸消失一幕，梁美芬就話都拍得唔錯，強調自己都好反對用普通話教中文，又話廣東話、英文雙語教學，都無阻學生對香港有感情喎。唔同人對香港十年後係點有唔同聯想，梁美芬話佢自己都會有憂慮，例如年輕人會唔會走向暴力、過激咁，到時香港真係唔知點算喇。
掌握最新消息，請Like「明報即時新聞」fb專頁！ http://www.facebook.com/mingpaoinews
【好消息！！！】btw，小編昨日先買咗機票…… （怒吼)http://bit.ly/1n94qUL【網絡23條】梁振英fb上載《喜歡你》合唱片付600元版權費未交伴唱版權費http://bit.ly/1QmL0aX【短片：港大罷課...Posted by 明報即時新聞 on Wednesday, 20 January 2016