港聞

迷你倉大火死因庭|時昌迷你倉創辦人仍責下屬未即時報警 「早少少報警好多人命運會唔同」 (19:05)

九龍灣淘大工業村迷你倉2016年四級大火,兩名消防員殉職,死因研訊今午(6日)傳召時昌迷你倉創辦人時景恒作供。對於迷你倉職員事發時沒有即時報警,時景恒表示事後曾責罵下屬,「如果早少少報警的話,好多人命運都會唔同,我到今日都責怪佢(助理物業經理呂國榮)」。庭上首次披露,最先起火的3樓迷你倉,雖然按照「澳洲專家」的方案設計,實際上由較便宜的內地物料建造。

2004年起,時昌迷你倉租用了淘大工業村1至7樓作迷你倉。時景恒表示,最初委聘澳洲公司「Steel Storage」的專家設計1至2樓迷你倉,後來為了節省成本,他改為聘用本地裝修公司,將「Steel Storage」的方案套用於其他樓層的裝修工程。他稱,營運公司的初衷是令迷你倉業務「規範化、國際化」。

庭上透露,時昌迷你倉案發時只聘用了一名維修工人,並只有數名經理跟進全港的分店業務。時景恒否認公司人手不足,稱其他迷你倉公司甚至「得一個同事睇哂成條街」。至於有否妥善監察客戶存放的物品,他承認無法有效監管客戶,但相信每隔30至40年才發生一次迷你倉大火,「你話有無問題?我話無問題」。

2016年6月21日,時景恒最先從公司管理層的通訊群組知悉倉庫起火,後來在電話叫下屬「搞唔掂就即刻報警」。他稱考慮過自行致電報警,但他沒有,在心情混亂下打消念頭,「我應該更加決斷,叫同事即刻報警……我之後都好自責」。研訊明(7日)續。

迷你倉大火死因庭 相關報道:

助理消防區長稱救火困難 「唔係一個火場,係好多火場同時發生」

消防隊目搜橫巷膝碰氧氣樽 揭張耀升倒地失知覺(10月5日)

一天七進火場 搜救隊員:難抵左肩灼熱手腳抽筋撤離(10月5日)

消防總隊目入火場搜救張耀升 皮膚熱至刺痛 形容「入職以來最高溫火場」(9月29日)

張耀升多次折返火場橫巷終走失 拍檔欲折返尋人終放棄 庭上痛哭「當時我真係好驚」(9月28日)

相關字詞﹕迷你倉大火死因庭 時昌 時昌迷你倉 時景恒 編輯推介

上 / 下一篇新聞