港隊星將李慧詩(Sarah)今日(8日)喺女子爭先賽成功以兩連勝姿態勇挫應屆世界冠軍軒絲,在東京奧運閉幕之際,為香港增添一面銅牌。34歲嘅李慧詩賽後接受訪問時話,其實無太在意自己年齡,但「我發現電視機直播成日都講」,她苦笑話「但我又唔係選港姐」,又問「選港姐至35歲都得㗎係嘛?」「我下年無得選港姐」。
Sarah又話今次最大突破是相信每一位工作人員,希望佢哋包容自己嘅脾氣,又話佢哋陪佢捱過最艱難嘅時候。Sarah仲話𠵱家好想飲可樂,因為之前冇得飲,佢稍後再接受訪問時話已經飲咗。
根據無綫港姐網站,2021年港姐的參選者年齡須年滿17歲至未滿28歲。