支聯會昨日舉辦六四遊行，各界都將目光放在近日的本土爭議，但係自由黨李梓敬任召集人嘅「要求遣返難民大聯盟」，與其同名的一個facebook專頁就非常眼利，竟然被佢哋發現遊行隊伍中，有一個南亞人推著支聯會的錢箱，試圖向人募捐。
佢哋仲影相放上Facebook專頁，質疑支聯會「做乜要搵南亞外緩（援）」，更稱：「你唔好同我講呢個和平友好樂善好施品格高尚的神聖大南亞帝國亞紳士淑女知到（道）自己做緊乜？？」
不過，Emily就覺得呢個人相當有可疑，睇真啲，原來係教協總幹事馮家強，佢仲曾經擔任學聯前秘書長以及中大學生會副會長。馮家強見到個Facebook貼文，就即刻截圖與友人分享，還大叫冤枉，連講3次：「我係香港人。」
馮家強重申自己是華裔，並非南亞助手，還強調即使是南亞裔都可以係香港人。有朋友就在他的貼文回覆，指認識多年都不知道他是南亞裔，還說馮家強其實只是一個「曬黑咗嘅香港麻甩」。
有人在貼文標記了李梓敬，但佢就未有回覆。本報致電李了解情況，他表示有關專頁並非由他開設，自己只是被列為管理員之一，看過有關專頁後，認為部分發言略為過火，打算稍後打自己移除管理員之列。他並表示因並非由自己發帖，故沒計劃向馮家強致歉。
相關字詞﹕編輯推介 Emily Online