朋友仔大學畢業，送公仔定送鮮花？中文大學農業發展組今年搞搞新意思，趁唔同學院嘅photo day，推出睇得又食得嘅「時蔬花束」，初步決定將沙律菜、生菜、椰菜花等5種本地時蔬，包裝成一束花，希望推廣本地農業。
中大農業發展組會長、電腦工程系2年級學生高卓康話，以往大家畢業都會諗買鮮花，一來無咩新意，二來一束鮮花至少百多元，所以決定試下推出「時蔬花束」，每束79元，同學仔拎住影完相仲可以食返，亦係大家認識本地農業嘅第一步。
到底「時蔬花束」有咩菜？阿康話，初步諗有沙律菜、生菜、椰菜花等，但農夫每日可以推出嘅蔬菜都可能唔同，所以依加仲未落實，亦擔心部分蔬菜無根會變黃，所以要同農夫傾傾點保存啲菜。
佢地今次小試牛刀，最初諗住預售5束已經算理想，結果同學反應好熱烈，訂單兩小時內已經爆滿，充充預售咗20束。至於之後會唔會加推花束？阿康話，要視乎反應同效果。
掌握最新消息，請Like「明報即時新聞」fb專頁！ http://www.facebook.com/mingpaoinews
【又凍過－ｗ－】唔好收埋啲褸住啊～～http://bit.ly/1Y07u2I【拒表態撐梁振英連任否 譚惠珠講做10年特首好處 讚梁關注基層及長者】http://bit.ly/1L4ZP1h【書店5人失蹤】譚惠珠：李波自願返內地 ...Posted by 明報即時新聞 on Wednesday, March 2, 2016
相關字詞﹕蔬菜