香港管綫專業學會長黃敬回應是否應抽驗「隔夜水」或「頭啖水」問題時指：「邊有人明知有毒都飲落口？」
《城市論壇》中午討論鉛水風波，揭發事件的民主黨議員黃碧雲引述美國環保署指示，稱真正要研究銅喉管有否鉛或重金屬、以及喉管有否受污染，就要抽驗「隔夜水」或「頭啖水」，而這水須停留於相關喉管內至少6小時。
黃敬反駁：「你去完旅行返嚟會唔會即刻飲頭啖水先？」他又希望政黨為市民福址，不要嘩眾取寵，令大家驚慌，「黃女士，你唔需要答我，但請問你，你會唔會飲第一啖水？我哋去完旅行返嚟，首先係放水，邊有人明知有毒都飲落口？」
黃敬續說，他作為專業人士，對此感到好痛心，「我嘅邏輯我嘅智慧話畀我聽，如果第一啖水我放咗出嚟即刻飲呢，我係蠢豬咁解啫」。他再次要求與黃碧雲專業團隊對質。
英國特許水務學會香港分會前主席簡國樑則說，不同國家及地方基於不同因素取水辦，質疑黃碧雲有否考慮實際情況，「你啲資料點解抽一頁一頁咁攞上嚟，唔係成本攞上嚟呢？」
【全球70億人都震驚了】專家話美國同印度都有鉛水問題......城巿論壇罵戰實況： http://bit.ly/1SuVqCr (鄧宗弘攝)【陳漢輝倡開喉1分鐘才用水 被問浪費食水 稱可用來淋花】http://bit.ly/1MdkCgZ#明報 #明報即時新聞
Posted by 明報即時新聞 on 2015年7月19日