【食水鉛超標】城市論壇爆罵戰　水務專家指美國水辦亦含鉛　印度樣辦超標「比香港嚴重十幾廿倍」 (16:21)

黃敬發言時稱，他不屬任何政黨或政團，故可以「比較中肯啲」去說話。他指，即使食水每公升含鉛量有10微克或以下，長期飲用也不應有問題，「美國經常有州份(食水)鉛超標，但唔知有無人話美國人特別蠢，或者香港人特別聰明」。

簡國樑亦說，美國住宅水辦含鉛量經常超標，即使英聯邦國家及印度等，樣辦超標問題「比香港嚴重十幾廿倍」，卻從來無看過當地新聞叫人驗水，「我哋係咪過份緊張呢？」

業界指毋須過份緊張

不過黃碧雲反駁：「你將我哋同第三世界國家去比，有無搞錯啊？唔通印度人飲污糟水，香港人就要飲有鉛水咩？」她又點名指黃敬說「10微克都無問題」論，直言：「喂，你有冇仔女啊？你不如搬去啟晴邨葵聯邨住啊！」

黃敬隨即回應：「我有3個仔女，應該比你多。」他又激動說：「希望你唔好挑戰專業！」

黃碧雲又質疑黃敬與建制團體西九新動力及民建聯關係密切，要求對方申報利益，但黃敬強調不要把事件政治化，「我同佢哋（西九新動力及民建聯）係朋友，我同你都係朋友，如果你有需要，應該搵我幫你手，如果你唔搵我幫手係你問題」。

黃敬之後多次要求黃碧雲的專業團隊站出來與他對質，「你（黃碧雲）簡直係侮辱我哋專業，你唔係專業你唔可以咁樣講！」。

崔俊明：最重要避免接觸源頭

崔俊明則說，食水含鉛量可能超標，但人體未必會完全把鉛份吸收，例如水溶性鉛可排出體外，故暫時毋須緊張。他重申，最重要是盡量避免接觸源頭。