青衣長康邨康美樓證實確診唔止一宗新型冠狀病毒肺炎個案，今日（11日）凌晨要緊急疏散，有網民睇新聞直播時發現，有幾個警員著全身白色保護衣，由頭包到落腳，「full gear」上陣後用手機自拍，批評有關警員掛住影相，浪費防疫裝備，反而前線醫護人員只係著半透明藍色PPE保護衣，企到最前工作，都無警察用嘅咁高級。
警方今晚回應事件，話「行動期間，警方派出傳媒聯絡隊到現場協調傳媒進行採訪，傳媒聯絡隊成員亦有拍攝現場警務人員的工作情況，以作記錄之用」。警方又話，會因應現場實際情況，派發合適及足夠的保護裝備。
政府facebook專頁「添馬台」就話，坊間有人單憑一兩張相片便斷言警務人員「錫身」，稱警員執勤時嘅裝備有守則參考，著白色防護衣嘅警員係負責進入康美樓協助疏散部分唔願離開嘅居民，考慮到可能嘅近距離接觸，所以按守則穿上防護衣。
武漢肺炎 相關報道：
相關字詞﹕武漢肺炎 武漢肺炎人數香港 武漢肺炎香港個案 武漢肺炎疫情 新型冠狀病毒 人傳人 新型冠狀病毒香港 武漢封城 新型冠狀病毒肺炎 武漢 長康邨 康美樓 警察 自拍 保護衣 編輯推介