行政長官梁振英周二起訪問法國，噚日參觀咗癌症研究中心同機場等設施，要了解吓當地航空、創新及科技產業咁話喎。行程會喺聽日結束，不過香港市民冇咁快見到佢住，事關特首又放假喇，要到20號先返香港。
梁振英噚日出席由法國外交與國際發展部部長艾羅主持嘅午宴時，話好高興見到香港愈來愈多法國人，期望兩地喺創新及科技同教育等方面有進一步合作。佢仲話，到訪法國，是希望開拓更多海外夥伴。
訪問法國行程完結後，梁振英後日（11日）起會離港休假，20日清晨返港。政務司長林鄭月娥將由6月12至14日署任行政長官；財政司長曾俊華則喺6月11日，以及由6月15日至梁振英回港前署任行政長官。
相關字詞﹕Emily Online 梁振英