今日係端午節,建制派第一大黨民建聯主席李慧琼一大早就上載咗一條龍舟賽動畫,賀一賀佢!
李慧琼今朝喺Facebook上載嘅呢條「團結一心奪錦標」龍舟賽動畫,參賽健兒分別係團結隊、番民隊、勇武隊,諧音明顯到Emily都唔使多講啦……好啦!比賽開始一刻,番民隊偷步喎,但比賽繼續進行。
突然間包尾嘅勇武隊向前面嘅團結隊「掟糉」,而前面番民隊員睇得好開心,仲話「佢哋掟糉我哋睇熱鬧」,結果就係番民墮後、團結隊從後而上贏咗比賽。
雖然李主席冇講明動畫意思,但唔知係咪選舉在即,建制派內外明嘅暗嘅各方較勁,就想話只要團結,就可以喺立法會奪標而回呢?