《城市論壇》中午討論六四問題。曾加入支聯會的民建聯議員鍾樹根直指:「支聯會今時今日唔得,呢個長壽節目仲係唔改,就無人嚟架喇!」
其他報道:【網上熱話】網傳巴士車頭牌變「8964」 城巴指會調查
鍾樹根稱,當年他加入支聯會大半年後,已發覺支聯會路向歪曲,「(支聯會)目的只係想推翻中共,對成個中國有咩好處呢?即係你搵美國佬推翻個政權,你唔通變成伊拉克,變成阿富汗咩?六四之後,中國綜合國力增加咗幾多倍!」
同場的黃台仰反問鍾樹根,是否可以「人命」換取「經濟」,但鍾樹根未有正面回應,只重提年初旺角衝突事件。之後主持追問相關問題,鍾樹根才回答:「人命緊係重要啦,但如果香港變成伊拉克,變成阿富汗,仲要幾多人死啊?」
支聯會主席何俊仁則說,昨晚12.5萬人到維園參與燭光集會,坐滿6個足球場,可見到不少市民對大是大非問題有堅持。