講述香港10年後境況的獨立電影《十年》,獲頒香港金像獎最佳電影,早前引起熱論。青年事務委員會主席劉鳴煒指,《十年》這套戲的出現是順其自然,「絕對唔出奇」,因為社會近幾年已不斷討論中港矛盾、中港關係以及香港人未來等。
問到會否答應提供資金,予青年人拍攝這類題材電影,劉鳴煒稱會考慮,但須視乎劇本內容,「要花我嘅錢去拍一套完全唔合理、完全係誤導人嘅片,例如如果你話坦克車駛入皇后大道中嘅話,一定唔制;如果係可以合理地引起討論,有建設性嘅話,我會考慮」。
他形容坦克車在香港街道上巡邏是「好誇張」,認為完全無可能發生,「製造恐慌,呃緊市民嘅話,我唔會支持」。