即時港聞

【《十年》獲獎】梁美芬嘆政治宣傳片:我係expect有個十年感覺 (14:01)

講述香港10年後情況的《十年》,獲頒今屆香港電影金像獎「最佳電影」,惹起熱論。曾入戲院「捧場」的經民聯議員梁美芬指,「我係真係expect無論講政治又好講咩都好,你真係有個十年嘅感覺,但係我覺得睇完之後出嚟睇咗一套政治宣傳片,係單方面(宣傳)嘅」。

其他報道:空勤工會抗議民航處長言論 促周二前交代否則或靜坐

《城市論壇》中午討論《十年》獲獎,梁美芬發言時稱,「《十年》攞唔攞獎唔係我concern」,她表示因為想知年輕人看什麼,故入場看《十年》。

梁美芬提到,她最近有看《The Intern(見習冇限耆)》和《I,Robot(智能叛變)》,其中《智能叛變》講述社會10年後全是機械人,「期待呢個《十年》,啲學生會唔會全部都係踩Roller返學呢?或者就算講政治,會有啲未來嘅感覺呢」。

其他報道:爸爸落力種 齊昕ig曬「溫暖牌檸蜜」

不過梁美芬慨嘆:「我係真係expect無論講政治又好講咩都好,你真係有個十年嘅感覺,但係我覺得睇完之後出嚟睇咗一套政治宣傳片,係單方面(宣傳)嘅。」

梁美芬冀反映沉默大多數聲音

她以《十年》「本地蛋」單元為例,「仲講戴住紅領巾,依家有無同啲家長傾過下呢,大家依家講緊講笑呢,你屋企有無個傘兵啊?」她認為,這單元只是反映50年前文革、上一代恐懼反映於故事裏,「去一個書局,可能10年之後,其實唔係書局,大家攞緊電腦,根本就無書局呢樣嘢,我真係認為(故事內容)完全係out、out-dated嘅」。

梁美芬強調「講政治無問題」,但須有多種角度,舉例「家長好憂慮、示威可以追打警察嘅。會唔會講到市民沉默大多數嘅聲音?」她提到,看完十年後,構思拍一套「反斗十年」,「笑下依家啲政治人物,可唔可以幽默啲呢?點解一定睇到社會咁絕望呢?」

她又指,年輕導演看未來十年都是悲觀,認為是「將悲觀結論浪漫化咗」。

《十年》導演:逃避現實更悲觀

同場的《十年》導演之一伍嘉良反駁,《十年》可令人反思現狀,「當我哋去認識呢個狀況時,變相其實好積極架喎,如果我哋逃離、抽離自己,逃避現實,嗰個相對上更加悲觀」。

香港演藝學院電視電影學院長舒琪則指, 如果看電影時帶着強烈主觀要求,之後發現電影所說的與想像不一樣,便認為它不合格,「反映觀眾本身不成熟」。

其他報道:空勤工會抗議民航處長言論 促周二前交代否則或靜坐

【「香港人」】他強調,這種爭論最後不會得到實在結論,只會挑起永無休止的矛盾和爭拗。 報道:http://bit.ly/23lHs0a【財爺出席活動被叫「選特首」 無回應提問】http://bit.ly/23lHw0a#明報 #明報...

Posted by 明報即時新聞 on Saturday, April 9, 2016

相關字詞﹕編輯推介 十年

上 / 下一篇新聞