五一黃金周將至，商台今早請來自由黨議員方剛及北區水貨客關注組召集人梁金成討論水貨客問題。
其他報道：質疑一周後才「爆」是造文章 孫明揚：典型的「攞嚟講」
立法會批發及零售界議員方剛節目中提到內地旅客下跌，批評政府改推「一周一行」是下錯藥，「如果你話（內地客人次）跌咗15%，應該水貨客北區減輕咗人流，點解人流都唔係顯著咁鬆動？」。他表示，現時遊客減少，但水貨客沒有減少，指不少水貨客根本是香港人，認為應以行政手段解決問題，「唔需要影響旅客」，形容「香港不歡迎大陸旅客」信息已廣泛傳到內地。
問到水貨活動是否幫到香港經濟，方剛認同，「都係經濟，但唔係好想見到嘅經濟」。梁金成隨即指出，方剛不認同他們行動，卻又認同水貨活動不是想見到的經濟，批評他言論矛盾，但方剛反指「我唔係幾想同你講落去，我覺得你係非常矛盾嘅一個人」。
方剛之後重申，水貨客問題可靠行政手段「即刻解決」，例如內地及本港海關加強過關檢查等。梁金成多次插嘴反駁，他們一直有提議這做法，但無奈當局沒有實行，才會採取行動，方剛不滿發言時被打斷：「我真係唔想繼續落去，我覺得無意思，你有你意見，我有我意見，我覺得如果咁落去，我哋同呢啲人講唔通架喇，你要繼續搞，繼續搞，搞到香港到呢個地步都唔滿意，唔緊要，繼續搞囉，一路差落去」。
方剛續說，「係人都想食牛扒架啦，經濟好搵到錢食牛扒，但今時今日唔可以嘛，想食碗粥，都要有啲人嚟踢爛我搵粥，咁無辦法啦」。他重申，水貨活動絕對是不正常經濟，「但今時今日連呢啲唔係好正常嘅經濟都踢爛埋，咁就連呢碗粥都無埋，咁係咪繼續要去踢爛呢個飯碗呢？」