阿里巴巴剛收購《南華早報》，阿里主席馬雲早前宣布會向《南華早報》員工發放一次過現金獎，今早員工終於獲知具體金額！Emily聽聞金額由約8000元至15000元不等，正當其他傳媒行家都投以羨慕目光，但南早中人就唔係咁睇，有人更概嘆當日同事對馬雲期望太高喇。
據了解，今次現金獎係由南早的新舊老闆私人出錢，唔少員工都有啲期望，有關現金據悉今日起已陸續傳入員工的銀行戶口，全部係真金白銀，大家當然歡迎，不過南早內部的反應一般，尤其資深的同事，點解呢？
原來有關獎金大約分幾層級，只要係阿里巴巴正式入主南早當日起計，即使係合約員工都有份獲現金獎，年資5年以下約有8000元至9000元左右，更有人做3個月已有8000，其實相當不錯；5年至10年有1萬；10年以上便由1萬起再加上，每級唔同，但差異不算太大；去到25年以上約有1.4萬；30年以上劃一1.5萬元。
有員工指，有人在南早做了40年都只係得1.5萬，其忠誠度每年只值375元，難免有啲心傷，但年資淺的同事心情就較好，因為無啦啦有近1萬元可花，換部電話或電腦都得啦！
其他報道：特首昨日聲明稿號撞下「689」
相關字詞﹕Emily Online 南早 傳媒 阿里巴巴