特首梁振英女兒梁頌昕嘅行李事件引起全城關注，特首辦噚日下午6時22分發聲明，列出5點澄清，話梁特首無要求任何人『叫我梁特首』，亦無使用任何特權。Emily就發現，嗰篇由政府新聞署（GIS）發出嘅聲明編號剛好係0689，咁有緣同梁特首當選嘅得票一樣喎。
該篇由政府新聞處發出嘅稿件編號為「GIS201604070689」，GIS係政府新聞處嘅簡稱，20160407係日期，而尾隨嘅數字就係嗰份稿件當日嘅編號。有網民亦留意到呢個熟悉嘅數字，不敢疑惑係咪咁橋？
Emily了解過，其實政府相關部門每日都會發唔同嘅稿件畀傳媒，除了GIS，好似以WR開頭嘅天氣報告、空氣質素健康指數與空氣質素（API）、編輯注意（ANE）、消防處出嘅稿件（FSD）、警務處出嘅稿件（PPRB）等等，所有稿件雖然開首嘅簡稱不同，但後面嘅數字會由電腦按當日出稿嘅次序編排，並不涉及人手。所以今次件事真係咁橋啫！
【過來人】葉建源笑言，喺特首「行李事件」發生之前，仲以為重新辦手續係唯一方法𠻹。 報道：http://bit.ly/1qaEpWO【泛民批難釋疑慮 葉國謙﹕可檢討機制】http://bit.ly/1qaEaek【特事特辦？】送行李事...Posted by 明報即時新聞 on Thursday, April 7, 2016