銅鑼灣書店負責人李波事件引起內地人員在港執法疑慮，而李波前日返港後，不足24小時即再次返回內地，令事件更添神秘。行會成員、民建聯議員葉國謙今早在港台節目重申，相信李波說法的就會相信，不相信的仍會不相信，「你相信嘅就相信，係嘛？李波先生好清楚講佢係自願（偷渡返內地），你仲可以講到咩嘢呢？你自己推論，話佢唔係自願，佢畀人逼住嘅，可能畀人綁住返去添嘅，你自己推論架啫」。
不過他提到，以這種方式到內地協助調查，「裏面嘅事可能同禁書有關」，但強調這只是「推理」，認為「問題要分開」。
至於他自己是否相信李波講法，葉國謙指「我對李波先生嘅能量唔敢懷疑，因為禁書都咁容易入到去，好簡單之嘛，你香港咁長海岸線」。他以南亞人偷渡作例，指他們可以10分鐘來到本港元朗屯門，「可以想像得到，依家兩地邊境嘅脆弱程度。唔會懷疑（李波講法），唔覺得偷渡係困難嘅事」。
問到香港是否要改善邊境問題，「咁容易人人都可以走去偷渡咁樣」，葉國謙承認「你無一啲途徑來說不可能」，「你真係游水過來咩？」談到政府仍可以做什麼事情，他稱政府已回應市民及議員訴求，反問：「政府有咩可以做呢？」
聽眾徐先生於「烽煙（Phone-in）」環節指，李波事件好嚴重，批評中央「作故仔講大話呃全港人」十分離譜。葉國謙則重申「信者自信，唔信永遠都唔信」。
【相隔半世紀】兩代抗爭人的心路歷程。報道：http://bit.ly/1REq9SK【六七過來人：港獨有無可能夠解放軍鬥？】http://bit.ly/1pNzBXJ#明報 #明報即時新聞 #明報偵查報道 #六七暴動 #掟磚 #旺角...Posted by 明報即時新聞 on Friday, March 25, 2016