失蹤3個月、昨天返回本港的銅鑼灣書店負責人李波，今早9時許離開北角寓所，被大批守候的記者包圍，他只簡單地說，自己要「重新開步，開展我人生新一頁」，又否認曾遭恐嚇及有人教他怎樣回答問題。
李波對記者表示，自己隨時可以回大陸又隨時可以回香港，過幾天會陪太太回內地拜山，而之前已有一段日子不敢回內地，因為「之前聽有啲人搞呢啲書出咗事，大家都知啦，好驚呀」，但指今次回內地之後，「問題解決晒」。
他又說，「仲有啲嘢要做」，「要講嘅嘢講晒啦」。記者問到是國安還是公安帶他回去內地，他說：「唔方便講」。記者又問他是否遭人恐嚇，他答說：「冇嘅冇嘅」；至於是否有人叫他要如何回答問題，他同樣答：「冇嘅冇嘅」。記者仍然繼續追問有關他失蹤及目前情況的事，但他都沒回答，只說，「呢啲問題我唔會再答架啦」。他隨即登上一部黑色七人車離去。
根據接載李波的七人車車牌，記者翻查資料，該車由加拿大匯豐集團有限公司（HUGE FORTUNE (CANADA) HOLDINGS LTD）持有。
【你懂的～】報道：http://bit.ly/1Skeipy【鳳凰衛視直擊李波返港一刻 李：今日正常通關回來 勸港人勿賣敏感書】http://bit.ly/1RpmgO5【李波今午由深圳移交入境處 未回應用何方法離境】...Posted by 明報即時新聞 on 2016年3月24日