特首梁振英的facebook日前被發現在其中一個叫「支持梁振英！」的不公開群組（Closed Group）中，竟然擔任其中一名群組管理員。今日中午梁振英親自在群組內留言，稱「從沒有擔任群組管理員的意圖，請移除設定，謝謝」，隨即惹來質疑，為何他不直接移除自己。
有網民今日在facebook擺明車馬，tag馮煒光facebook帳戶，公開質疑他不知道可自行退出群組，成功引出馮現身回應。
馮留言強調，CY Leung講的是管理員，不是離開群組，該網民先反問馮「我真係唔想繼續笑你，但你唔好繼續搞笑得唔得呢？」並隨即指出，「群組『管理員』，係可以自己remove自己『管理員』角色架。不如你俾月薪10萬我，我教你點用FB啦。」
馮煒光即秒速回應一句「我當然知道」，結果換來網民取笑：「呢句好熟口面......『知！』」至此馮也似無心再爭論，只回應一句：「謾罵解決不了問題。努力為香港打拚吧」。
該名網民其後表明自己並非謾罵，而是質疑其能力，直指今時今日如有公關公司不懂FB的功能、文化、玩法，卻又要接相關的工作，還搞出連串笑話，撇除稱不上專業的問題，正常應一早被客人炒掉了。
網民又稱：「我唔反對任何政治人物利用social media 搞公關工程，但唔該真係搵專業人士去搞，搞得專業點，當幫幫忙好唔好？」
有其他網民「食住花生」睇呢場辯論後，都忍不住以納稅人身分感嘆，「仲話努力為香港打拼，好心你努力學吓點做嘢啦，自己份內事都未做得好，畀人指出錯處仲喺度死頂，愈講就愈錯，真係好唔想出糧畀你。」
亦有人笑言：「我諗佢比較啱做『實質性』嘅管理員多啲......例如大廈管理員，自己搵對腳行出去就可以離開！」
掌握最新消息，請Like「明報即時新聞」fb專頁！ http://www.facebook.com/mingpaoinews
【明唔明？】辯方又質疑，錄音並不完整，是因為證人刪剪了「開價3萬元才肯銷案」的一小段。 報道：http://bit.ly/1SaAm8Y【老翁公廁露8000元 南亞漢搶錢逃去】http://bit.ly/1SaAwx1【短片：湯顯明...Posted by 明報即時新聞 on Wednesday, January 27, 2016
相關字詞﹕編輯推介 EMILY ONLINE 馮煒光