前金融服務界立法會議員詹培忠早前明言有意明年立法會選舉再度出山，積極考慮轉戰港島直選，仲羅列埋自己10大票源。不過要係港島混戰中插旗，就需要得力助手籌備選舉。
據聞詹培忠正尋覓民主黨前議員李華明做佢嘅選舉經理，李華明退出政壇後，依家開緊公關公司。今日立法會舉行新舊議員午宴，Emily今日喺立法會見到李華明，當然要向佢求證一下啦。但李華明就話，「要睇下到時有幾多時間，當然做直選嘅經驗……」都未講完，詹培忠竟然喺佢身後出現，唔通莫非真係連個天都要「撮合」佢哋？，Emily立即拉住佢哋兩個一齊傾。李華明就話，「嗱，依件事對我嚟講係商機啫」，似乎有得諗。不過詹培忠就笑言，「依家什麼機都沒有，係得個講字。」
行家當然唔收貨，又追問詹培忠到底有無邀請對方，詹培忠放下一句，「我去就係，唔去就唔係！」。大家又八卦，「咁你係唔係去啫？你睇中佢咩呀？」。詹培忠就笑言話兩人同在海富中心做嘢。Emily見佢哋兩個笑笑口咁一齊走，真係唔可以排除任何可能性。
掌握最新消息，請Like「明報 即時新聞」fb專頁！ http://www.facebook.com/mingpao inews
【誰是經手人？】曾主席話已經睇返幾日嘅閉路電視片段，但咩都睇唔到，只係見到漆黑一片。短片+報道： http://bit.ly/1m0z4iG （周智堅攝）【民主黨前區議員莊志達燒炭自殺亡 黨友黃碧雲：事前未見異樣】...Posted by 明報即時新聞 on 2015年12月14日