立法會2號會議室之前發現嘅疑似糞便，「經手人」仍然未明，Emily今日難得見到主席曾鈺成，當然即刻追問佢啦，點知主席話已經睇返幾日嘅閉路電視片段，但咩都睇唔到，只係見到漆黑一片。
曾主席同Emily講，出事嘅2號會議室一向都鎖門，「之前連續幾日都無喺嗰度開會，但我問過秘書處，即使無開會，閉路電視都係開住，不停咁開住。」咁以為睇返閉路電視片就一清二楚啦，點知主席話：「當然如果係黑無開燈，可能就會有人入去都睇唔見，但有秘書處同事指出，就算入去嘅人打開門，閉路電視都會影到，大門開過，出面會有燈光，但依家係完全無。」
更離奇嘅喺，主席望實漆黑嘅畫面，發現「座位位置無郁過，完全無移動過。」咁究竟咩人「經手」？點樣唔郁張凳又放到疑似糞便落台底？曾鈺成話，諗唔到邊個誰人會「苦心孤詣」做呢個行為，被問到係唔係同超自然現象有關，主席又笑而不語，只肯講：「預計化驗結果會喺一兩日內公布啦。」
掌握最新消息，請Like「明報即時新聞」fb專頁！ http://www.facebook.com/mingpaoinews
【維權律師】內地不少網民將自己的網絡帳號頭像換成了浦志強以示支持。報道： http://bit.ly/1QnS4om【「無國界記者」籲抵制世界互聯網大會 指中國是「世上頭號網絡敵人」】 http://bit.ly/1QnSafw#...Posted by 明報即時新聞 on 2015年12月14日