標榜做調查報道嘅首間本地獨立通訊社「傳真社」（FactWire）早前公眾籌款成功，唔少人都期待佢嘅面世。通訊社12個職位嘅招聘工作由8月開始，創辦人吳曉東就同Emily講，一共收到超過280個人應徵，暫時仲未完成面試，但目標希望喺下年3月1日開張。
吳曉東話，一共收到280人應徵，所以篩選工作相當繁重，因為要每封求職信都睇過，最後就篩選咗90幾人來面試，但首輪面試到而家都未完成，希望12月底可以開展第二輪嘅面試。
吳曉東話，應徵者大部分都係現職記者，有來自電子傳媒，亦都有唔少報紙記者，但亦都有10個左右係外行人，想投身新聞行業，仲有封求職信話「想正常地做新聞」，令吳曉東都忍唔住想見佢。
根據Facewire早前嘅公布，佢哋會首先面試最高職級嘅人選，再分批見其他職級嘅記者，之後先至係資料搜集員，吳曉東話，而家都有唔少8至10多年嘅記者應徵，佢都唔識分邊個係業界「猛人」喎。
Factwire自6月底開始集資，最後籌得接近500萬元，創下咗香港網上集資嘅紀錄。
掌握最新消息，請Like「明報即時新聞」fb專頁！http://www.facebook.com/mingpaoinews
【寶刀未老】74歲婆婆跳肚皮舞，真係估佢唔到！睇相+報道： http://bit.ly/1YFwjBG【陝西採藥翁困山洞8天8夜 靠食青苔奇蹟生還】http://bit.ly/1YFx39U【短片】習近平訪津巴布韋 與穆加貝手牽手...Posted by 明報即時新聞 on Wednesday, December 2, 2015
相關字詞﹕編輯推介 emily online 傳媒