《南華早報》近年每任總編都做唔長，佢哋公司今日就出咗通告，指明年1月1日起，將會由幾年前喺亞視新聞部過檔去《南早》、現時為副總編輯嘅譚衛兒，擔任總編輯一職；至於曾做過吉林省政協嘅總編王向偉，就因為家庭原因，會返北京同家人共聚，日後就會擔任「編務顧問」一職。
王向偉2012年起擔任《南早》老總，至今雖然只有3年，但已經算好長時間，皆因佢上任時，已係《南早》近11年嚟第10個老總，即係差唔多1年換一個老總。
新任老總譚衛兒喺2011年底由亞視過檔《南早》，佢喺亞視擔任新聞部副總裁時，曾發生誤報前國家領導人江澤民死訊一事，無耐就去咗《南早》擔任高級編輯，翌年2月就升任副總編輯，可以話係平步青雲。
掌握最新消息，請Like「明報即時新聞」fb專頁！ http://www.facebook.com/mingpaoinews
【何謂即場創作呢？】張芷晴認為考評局訂立新指引明顯是針對「抄自己」事件，質疑考評局「合理化不公平對待」。報道： http://bit.ly/1LUJ7yc【考評局：澄清視覺藝術科卷一的評核要求】...Posted by 明報即時新聞 on 2015年11月6日