寶蓮寺搞咗慈善越野跑，畀參加者喺寶蓮寺、天壇大佛、彌勒山一帶跑步，仲為個活動改咗個別開生面嘅名，叫做「佛你跑」。
無錯，係「佛你跑」，唔係「罰你跑」；即係「Buddha You Run」而唔係「Punish You Run」。拿拿拿，唔好以為Emily搞爛Gag，事關活動嘅官方名稱，係真係逐隻字直譯，叫「Buddha You Run」，唔知係咪用咗Google Translate呢？
講到「佛你跑」嘅緣起，寶蓮寺首座和尚釋健釗法師就話，之前曾驗出有「三高」（高血壓、高血糖、高血壓）問題，初頭睇醫生食藥，但就出現視力模糊同記憶變差呢啲副作用，於是轉用蔬果汁自然療法，加上勤力跑步，血糖指數終於跌返正常水平。法師仲話，雖然平時寺內都有唔少事務要處理，但每星期都會跑兩至三次，每次跑大約10公里，清晨5點半開始跑，7點就收工。
都市人好多時食飯都多肉少菜，都好容易會有「三高」嘅問題，但Emily都估唔到，原來食齋嘅出家人，都會有咁嘅煩惱，Emily都希望法師「Add oil」，血糖唔會再升返啦。
掌握最新消息，請Like「明報即時新聞」fb專頁！ http://www.facebook.com/mingpaoinews
【好玄妙呀！】首座和尚：你有煩惱唔代表我有煩惱，但我有煩惱就真正係我嘅煩惱，所以你話我會選擇邊樣？報道：http://bit.ly/1NLCBxi【短片+多圖：定慧寺風波】入境處入寺拉人 釋智定等4男女被捕 ...
Posted by 明報即時新聞 on Friday, October 16, 2015