寶蓮寺首座和尚釋健釗法師今日出席記者會，Emily都有湊熱鬧到場，問到最近有同寶蓮寺關係密切嘅和尚同尼姑涉嫌假結婚件事，法師就話呢個係一個煩惱嘅問題，如果答呢個問題，可能講錯嘢，招惹是是非非，「呢啲就係煩惱嘅來源」，仲話出家人學佛，要盡量避免煩惱嘅嘢發生喎。
Emily就問法師，而家煩惱唔出現都出現咗，咁寶蓮寺會點解決個煩惱呢？法師就話，而家「人都走咗」，在寶蓮寺嚟講係無煩惱，反而「一答咗就有煩惱」，所以「而家咪唔答你囉」。
Emliy同一班行家報新聞都講求準確，就想問清楚法師講嘅「走咗」嘅人係邊個，但法師就唔肯再答。Emily惟有同法師講，咁樣我哋好煩惱喎，希望法師幫幫手，點知法師嘅回答仲精彩，佢話：「你有煩惱唔代表我有煩惱，但我有煩惱就真正係我嘅煩惱，所以你話我會選擇邊樣？」
問完一輪，想要嘅答案仲未搵到，但係Emily似乎真係明白多咗，乜嘢叫做煩惱。
掌握最新消息，請Like「明報即時新聞」fb專頁！ http://www.facebook.com/mingpaoinews
【小心啊！】涉事餐廳是有「明星食堂」之稱的「喜記蟹將軍」報道：http://bit.ly/1X8Hke0【短片：食水鉛超標】林鄭自言官到無求膽自大 斥泛民過分 命落區官員須拒屈辱要求http://bit.ly/1NLbanm【短片...
Posted by 明報即時新聞 on Friday, October 16, 2015
相關字詞﹕Emily online 定慧寺 編輯推介