保普選反暴力大聯盟周融和另一發言人吳秋北今早在中環戲院里街站「嗌咪」，呼籲市民簽名，但有市民卻說「無辦法，我老闆叫我簽名，無辦法」。
這名市民說完「無辦法」之後，他身旁的老闆即反問：「你唔撐呀？」員工急忙稱：「撐，我梗係撐啦。」老闆再問：「你想捧泛民呀？」員工未有回答。有在場記者就問：「撐咩先？」老闆回答：「撐民主囉！」員工就說：「我要做嘢，你訪問我老闆啦。」老闆則繼續表示「泛民唔收錢點會出黎嚟」，又指「大家都有自由」；記者即反問，「為何說自由又叫員工嚟簽？」老闆就改口：「我叫佢地自己決定，無叫佢地簽，睇到佢地係撐呀，」又重申這個普選「係啱的！」
老闆繼續稱美國亦不算民主，「黑人都係被人打到『趴街』，開槍打都係咁啦，民主咩」，又批評泛民「收蘋果(日報)錢，東方報晒啦」。