【Emily】在囚考生放榜跳起Yeah

【明報專訊】文憑試噚日放榜轉喺網上公布成績，「狀元」唔使返學校，無得齊齊影張跳起Yeah嘅合照，反而在囚嘅考生就可以一齊拎到成績單，懲教署仲安排眾考生影張跳起合照。今年有9名嚟自壁屋懲教所、歌連臣角懲教所及勵敬懲教所嘅青少年在囚考生，佢哋報考44張卷，其中30張攞到二級或以上成績，歌連臣角懲教所其中一名考生考6科共20分最高，符合入讀本地大學嘅基本要求；壁屋懲教所有重考生上年考6科共23分，但英文科得二級，今年重考英文科，考獲三級，同樣達入大學門檻，佢希望入大學讀社工，將來用自身經歷幫人。