【明報專訊】政府高層近期玩facebook對話，唔使公開見人，而財經事務及庫務局副局長陳浩濂（Joseph）噚日就返咗母校香港華仁書院，同20幾個師弟對話。Joseph話，師弟當然有就修例風波表達咗不同意見和關注，包括政府最初處理修例嘅手法，以及警方執法時使用武力，佢讚賞師弟好有禮貌表達意見，都唔算係質詢佢喎。佢話大家好casual咁傾咗個半鐘，除咗關注警暴，師弟都有問Joseph，近期社會紛爭對經濟嘅影響，以及會唔會影響佢哋將來畢業後嘅發展機會。 相關字詞﹕反修例風暴 香港華仁書院 陳浩濂
