港聞

港聞二

【Emily】張翔現身 再講「隱形戰衣」

【明報專訊】香港大學嘅學生呢排打鑼打鼓咁搵「失蹤」校長張翔,原來張校長噚日出席咗香港中學校長會嘅教育論壇,分享對未來教育方向嘅睇法,久未露面嘅佢睇落心情幾好,成場演講都同台下聽眾有講有笑。佢喺論壇上話,今時唔同往日,以前讀書嗰套,𠵱家已經不合時宜,教師應該同學生一齊學習、一齊創新,仲要畀多啲啟發學生。不過佢個分享就似乎唔多創新,再度重提佢最出名嘅「隱形戰衣」。見張校長心情咁靚,Emily以為可以同佢講多幾句,點知張校長一早已經著咗佢件「隱形戰衣」,喺側門避過所有傳媒,就咁就走咗,喺論壇逗留咗約一個鐘。另一邊廂,終審法院首席法官馬道立係第二個致辭嘉賓,都等到中場休息先走。

相關字詞﹕張翔

上 / 下一篇新聞