【明報專訊】近日先後有多間中學嘅學生、校友喺學校外組人鏈，高呼「五大訴求，缺一不可」等口號，展示抗爭意志，唔少政界中人都會返母校參加。港島立法會議員區諾軒（區軒）嘅母校聖若瑟英文中學，噚日分別同聖言中學、德望學校組「彩雲三校人鏈」，不過區軒因為有事未能出席，雖然個人冇到，佢強調「心也與大家同在」；有師兄弟仲拎埋印有區軒個樣嘅直幡，返母校一齊組人鏈，真係有心。
