【Emily】中大學者：老青兩代觀感差咗

【明報專訊】面對人口老化，前衛生福利及食物局長、中大公共衛生學院講座教授楊永強又有新搞作，就係推動跨代共融。學院喺馬會支持下同3間社福機構合作，推動「長幼情」跨代共融計劃，分3個項目，其中一個係由長者同年輕人搭檔煮嘢食，等兩代人學習互相欣賞同包容，打破隔膜同誤解。佢哋發現，最近嘅社會運動，令跨代對對方嘅印象都有改變。