青少年軍夏令營 參加者想做警察

【明報專訊】第15屆香港青少年軍事夏令營噚日喺駐香港部隊新圍軍營舉辦開營典禮。夏令營今年擴大招生規模，共招收咗600個中一至中五學生，參加為期半個月嘅夏令營，體驗軍人生活。今年夏令營又增加「徒手組合練習」等體能訓練課目，鍛煉參加者。有參加夏令營嘅學生話，大個想加入紀律部隊，又認為市民應該體諒警察近日處理遊行示威時嘅手法。