港聞

港聞二

民主黨獲贈暗喻六四內地首日封

【明報專訊】今年六四30年,民主黨議員尹兆堅同黨友林卓廷噚日都有呼籲大家去今晚嘅燭光集會。阿廷話,佢哋辦事處職員喺上水擺街站時,有匿名者送上90個內地官方發行嘅首日封,仲話呢批喺1992年推出嘅郵票暗藏「密碼」,郵票用咗奧運會主題,前排3個運動員嘅號碼布分別係「64」、「9」同「17」,而1加7等於8,夾埋一齊睇就係「8964」。阿廷話,據佢所知,雖然呢款郵票當年避過審查,但無耐畀人發現有隱喻後就被禁。民主派商量後,決定將首日封交畀支聯會展覽同籌款。

相關字詞﹕六四30年

上 / 下一篇新聞