【明報專訊】時事評論員劉銳紹（夫子）月旦時政，原來唱歌都係佢嘅愛好。今年夫子除咗著書回顧八九民運之外，仲推出最新大碟，唔通想殺入樂壇？國際關係學者沈旭暉前日喺facebook出post，透露早前去澳門演講時與夫子同場，就獲贈呢隻親筆簽名大碟，仲有「香港版」同「內地和諧版」，10首舊曲配上新詞嘅歌，由填詞、主唱，以至唱片封套、發行同宣傳，都係由夫子自己處理，唱片封面就係夫子嘅畫像。
