【明報專訊】「大灣區」概念呢牌成日聽到，連閱讀都可以同大灣區有關。為咗響應4月23日「世界閱讀日」，中央圖書館當日晏晝會舉行「4．23喜閱無界限」閱讀推廣活動啟動禮。Emily留意到，當日除咗公布今年重點閱讀活動外，仲會同深圳圖書館、廣東省立中山圖書館及澳門公共圖書館同時舉行「共讀半小時」活動，話要跨越地區，齊聲共讀，等三地讀者一同分享閱讀樂趣。
