【明報專訊】今年係六四30周年,支聯會準備咗一架「毋忘六四號」流動宣傳車,今個星期六起去全港18區宣傳。支聯會話呢架車係流動六四紀念館,車身有六四事件嘅資料同相片,以及呼籲市民出席六四燭光集會嘅宣傳橫額。啟動禮噚日喺立法會門外舉行,支聯會秘書同多名民主派成員都有出席,其中佔中9人案被告之一、社福界議員邵家臻話,佢或會因被判監而要缺席今年維園燭光晚會,但佢哋9人如果喺獄中都會用自己嘅方式悼念六四,呼籲市民代佢哋去維園。 相關字詞﹕佔中九子 六四晚會 六四30周年 宣傳車 毋忘六四號 支聯會