【明報專訊】4名理大學生因為民主牆管理問題早前同校方衝突，其中被罰社會服務令120小時嘅學生校董李傲然，原來活躍於補習界。民主黨鄺俊宇（鄺神）同安達臣總幹事林冠存嘅地區海報，就寫邀請咗李傲然主講DSE中文同通識科嘅講座及訓練。鄺神話，好似因為海報要喺房署公告板霸位貼，所以要借用立法會議員嘅銜頭。林冠存就話，因為李本身有做地區工作，同佢係朋友，知道佢有補習經驗，所以搵佢，話會有車馬費或紀念品。至於會否再合作，林話唔會因為理大嘅事終止合作，活動亦會如期舉行。 相關字詞﹕補習 香港本土 毛孟靜 民主黨 鄺俊宇 民主牆 理大 李傲然
