話「鴨仔團」問題嚴重 中大學生無地方食飯 段崇智心痛

【明報專訊】香港中文大學噚日（25日）舉行傳媒新春茶敘，被問到早前有內地團到訪中大並佔用飯堂，段崇智同Emily講，「鴨仔團」係嚴重問題，唔好彩咁影響到大學交通同飯堂，心痛學生無地方食飯。佢話，歡迎任何人到訪中大，欣賞美麗嘅校園，但如果好多架大巴入晒嚟就有問題喇！段崇智又話，校方知道事件後已即時採取行動，例如訂立只供教職員同學生用膳時間等等。