【明報專訊】民主派噚日傾巢而出，幫參選九龍西補選嘅李卓人拉票，而噚日不時落雨，教育界立法會議員葉建源同前議員張文光喺美孚拉票期間，就遇到一個民主派支持者，拎住黃傘走埋佢哋街站。葉建源話，市民拎黃傘唔出奇，奇就奇在呢把黃傘上竟然有「華叔」司徒華簽名。佔領運動喺2014年發生，黃傘成為運動標記，但華叔早於2011年過身，無理由參加到佔領運動吧？
