【明報專訊】浸會大學係一間有基督教背景嘅大學，佢哋有個叫校牧處嘅部門。早排學生反對普通話考試風波，學校成立咗個調查委員會，而主席就係時任校牧葉敬德，不過佢4月已經退咗休，𠵱家學校搵緊新牧師。校牧處上星期五喺facebook出post，話「因著大學不斷發展、領導層的變遷，品格基金儲備的用盡，由本年度開始，校牧處需要自行承擔所有不敷，而來年預算不敷將超過港幣四百萬」，佢哋發起籌款計劃，呼籲有心人可以定期捐款，如果唔係就要靠校方借錢營運，仲加咗好多個主題標籤，如「校牧處一直與大學生同行參與上主建立他們生命的工作」。
