啟德車站廣場 1單車場改兒童設施

【明報專訊】港鐵啟德站預料下年啟用，啟德車站廣場亦會動工，預計斥資16億元，提供多個康樂設施畀市民使用。民政事務局噚日向立法會遞交補充資料，話會研究將原有3個單車場嘅其中一個，改做兒童遊樂設施，仲話會搞工作坊聽民意，睇吓有咩設計令遊樂設施更具趣味；至於其餘兩個單車場，一個啱初學者，另一個啱進階車手，會有高低起伏坡道，有一定挑戰性咁話。