【明報專訊】中文大學近大學港鐵站嘅民主女神像，噚日畀人發現底座寫咗「香港英雄梁天琦」嘅字句，未知道係咩人寫。中大話，就中大民主女神像被塗鴉，正積極與同學溝通，妥善安排，但未回應會點處理。中大學生會副會長李振勇估計字句喺噚日凌晨大約4點至5點塗上，但佢話神像管理權唔屬於學生會或中大所有，「無人有權擦去（字句）」，未知點處理。不過，翻查資料，中大校方曾經怕女神像倒下傷及學生，之後學生會就喺2010年用咗約1萬蚊，鞏固神像底座，仲話抵受到10號風球喎，亦都會喺底座塗漆。支聯會秘書李卓人話，寄存神像喺中大嗰時係無底座，相信係之後加建，認為應該交畀學生決定，神像象徵意義係咪要同梁天琦有關。