【明報專訊】立法會教育界議員葉建源（右）第二年喺立法會「擺檔」，為傳媒寫揮春，有議員經過，佢都即席揮毫送上祝福。民建聯黃定光經過時，葉建源建議寫「龍馬精神」，黃定光好幽默，反建議不如寫「龍象精神」，因為大家都叫佢做「象哥」。葉建源見到醫學界陳沛然 （左）就講笑話，不如送佢「醫醫相衛」喇，最後其實係寫上「仁心仁術」。陳沛然就話，不如明年佢都喺隔籬擺多一檔，幫大家量血壓爭生意咯。
