飯盒供應商聯絡「食德好」 停課不做大嘥鬼 逾萬飯盒贈社區

【明報專訊】政府因應流感疫情，前日無預告下宣布幼稚園、幼兒中心同小學等提早放新年假，令唔少人措手不及，包括家長及為學校提供飯盒嘅供應商。食物回收組織「食德好」呢兩日獲供應商接觸，從供應商回收咗因停課而無人接收嘅1.4萬個飯盒，透過社福機構同各區議員辦事處轉贈，既避免浪費，又幫到有需要嘅人，一舉兩得。