「可能有啲老師未拍過拖」 劉國勳怕教師唔識性教育

【明報專訊】立法會教育事務委員會噚日開會討論校園性騷擾同性教育，建制同民主派議員都認為教育局推動性教育嘅工作需要改善。民建聯立法會議員劉國勳（圖）就擔心，學校嘅教師未必識教，「可能有啲老師未拍過拖，無經驗，咁佢又點去教呢？」佢又話學生唔係接觸唔到資訊，係接觸得太多，梳理唔到正確資訊，佢建議教育局搵專家製作啲生活化嘅教材，甚至應去搵「懂得教嘅團體」入學校教授性知識，減輕教師壓力。