城大助考試減壓 導盲犬訪學生宿舍

【明報專訊】踏入大學嘅考試季節，繼香港大學嘅古代牧羊犬Jasper同埋科技大學嘅金毛尋回犬Oscar擔任治療犬，幫學生減減壓，城市大學日前同香港導盲犬協會合作，一連3日帶導盲犬去到學生宿舍同學生互動兼影相，令宿舍充滿歡樂嘅笑聲。 城大呢個叫做「考試加油站×考試減壓站」嘅活動，吸引過千宿生參與，香港導盲犬協會安排兩隻導盲犬，去到學生宿舍嘅草地同學生互動，仲免費提供水果、雜豆等小食為學生打打氣，注入正能量。