【明報專訊】聖誕節就快到，唔少學校下星期開始放假。教育局長楊潤雄就提早喺facebook同學生講聖誕快樂，仲搵人製作咗一段動畫短片同學生打氣。短片喺講一個小妹妹，喺假期仲要忙住溫書做功課，做到想喊，呢個時候書裏面跳出一隻可愛熊仔陪小妹妹，逗小妹妹開心。原來，楊局長喺聽到有團體關注小學生功課多嘅事，所以今次化身「楊潤熊」，提醒各方，假期應該畀小朋友休息，還小朋友快樂假期，希望各方都唔好逼得太緊。
