【明報專訊】朝鮮局勢緊張，噚日凌晨仲話試射咗彈道導彈，但人民生活始終係一個謎。港大美術博物館同來自史丹福大學嘅朝鮮研究學者蕭惠姬合作，即日至出年1月28日合辦《場面朝鮮：蕭惠姬藏品的二十世紀宣傳海報》展覽，展出多張朝鮮政府委託製作嘅海報。呢啲海報風格上受到共產黨粗放派宣傳製品影響，意識形態上則源自朝鮮藝術權威之作——已故領導人金正日喺1992年發表嘅《論藝術》，旨在倡導「正確」嘅社會主義現實主義形式，以政治正確方法向民眾灌輸思想。圖中有隻牛及兩個人玩緊跆拳道，海報下面語句就講緊「讓我們再接再厲發展我國卓越的體育運動和民間活動！」