【明報專訊】皇仁書院為慶祝今年創校155周年，今個星期六（25日）喺亞洲博覽館舉行晚宴，預計有1550名師生同校友出席。皇仁畢業嘅前財政司長政治助理羅永聰（肥仔聰），到時會同前助理廣播處長陳耀華、醫學會會董鄭志文同總裁判官李慶年，一齊玩懷舊著校服做司儀，身形有番咁上下分量嘅肥仔聰話，自己為晚宴專登買番件校褸，但估唔到中學生尺碼已經啱著，唔使度身訂做。
