港區人代飯局 王志民讚林鄭推中史必修

【明報專訊】基本法委員會主任李飛噚晚去禮賓府出席特首林鄭月娥嘅宴請；而中聯辦主任王志民繼星期一同建制派議員飯敘後，噚晚就同港區人大代表食飯。王志民新官上任，但據聞席間就形容自己係同人代敘舊，皆因佢過去做中聯辦副主任都一段時間，同大家都好熟。有與會者引述，王志民噚日大談青年工作，更讚賞林鄭一上場就率先表明會將中史科列為初中必修，有利一國兩制發展。有人代同Emily講，聽完覺得王志民似乎暗批前特首梁振英呢方面做得唔夠好。